விளாத்திகுளத்தில், காங்கிரஸ் கட்சியினர் சார்பில் நடிகர் திலகம் சிவாஜி கணேசன் பிறந்த நாள் விழா கொண்டாட்டம்! தூத்துக்குடி மாவட்டம் விளாத்திகுளம் பேருந்து நிலையம் முன்பு, விளாத்திகுளம் சட்டமன்ற தொகுதி காங்கிரஸ் கட்சியினர் மற்றும் சிவாஜி நற்பணி மன்றம் சார்பில், நடிகர் திலகம் சிவாஜி கணேசன் பிறந்தநாள் விழாவை முன்னிட்டு "வேண்டாம்..வேண்டாம்...! மது வேண்டாம்.." என்ற வாசகங்களுடன் கூடிய நடிகர் சிவாஜி கணேசனின் திருவுருவப்படத்திற்கு மாலை அணிவித்து மலர்கள் தூவி உற்சாகமாக கொண்டாடினர். இதைத்தொடர்ந்து நிகழ்ச்சி ஏற்பாட்டாளர்கள் அருகில் இருந்த வியாபாரிகள் மற்றும் பொதுமக்களுக்கு இனிப்புகள் வழங்கி சிறப்பாக கொண்டாடி மகிழ்ந்தனர். இந்நிகழ்வில் மாவட்ட இளைஞரணி காங்கிரஸ் தலைவர் அற்புதராஜ், நகர தலைவர் காமராஜ், மேற்கு வட்ட தலைவர் முத்துகிருஷ்ணன், சோனியா பேரவை சுப்ரமணியன், கிழக்கு வட்ட தலைவர் கணேஷ் குமார், நகர செயலாளர் ஞான ராஜ் உட்பட பலர் கலந்து கொண்டனர்.